Kreu i Nismës Socialdemokrate dhe njëkohësisht kandidati për kryeministër nga radhët e koalicionit NISMA-AKR-PD, i ka ftuar në një debat televiziv të gjithë kandidatët e tjerë për kryeministër, Veselin nga PDK, Haradinajn nga koalicioni AAK-PSD, Vjosa Osmanin nga LDK dhe Kurtin nga VV.

“Nga salla historike në Kaçanik 29 vite më parë është miratuar Kushtetuta e Kosovës. Ftova kandidatët për kryeministër të vendit të dalim në një debat të përbashkët televiziv dhe ta shpalosim vizionin tonë për qeverisjen e ardhshme”, ftoi Limaj.

Ai tha se qytetarët e Kosovës meritojnë ta dinë vizionin tonë për dialogun.

“Qytetarët e Kosovës meritojnë ta dinë se cili është vizioni ynë për dialogun, për zhvillimin ekonomik dhe për të gjitha shqetësimet e qytetarëve”, ka thënë Limaj.

“Kandidatët për kryeministër e kanë për borxh t’u tregojnë qytetarëve pse ata duhet të votohen”, tha Limaj.

Limaj është shprehur i gatshëm të përballet me secilin nga kandidatët për kryeministër.

“Unë jam i gatshëm, qoftë individualisht, qoftë në debat të përbashkët, të përballem me secilin”, tha Limaj.

Gjithashtu Limaj i ftoi elektoratin e tij në Kaçanik që të mobilizohen në mënyrë që Nisma të dalë fituese në zgjedhje.

“Në takim me strukturat e Nismës në këtë qytet i ftova ata të mobilizohen dhe këto ditët e mbetura deri në zgjedhje, të angazhohen maksimalisht, në mënyrë që Nismën dhe koalicionin tonë ta nxjerrim fitues të zgjedhjeve”, tha kreu i Nismës Socialdemokrate.

“Për Kaçanikun do të ishte nder që në Kuvendin e Kosovës t’i mbrojnë interesat e tyre kandidatët tanë nga kjo komunë Agim Caka dhe Hizri Vishi”, tha Limaj.

“Ftoj qytetarët e Kaçanikut t’i mbështesin kandidatët tanë nga kjo komunë dhe kandidatët tjerë nga lista e Nismës”, shtoi kandidati për kryeministër.

Bashkë për Shtetin!

Image may contain: 4 people, indoor
Image may contain: 4 people, crowd and indoor
Image may contain: 1 person, standing and suit
Image may contain: 1 person, suit
https://www.facebook.com/FatmirLimajKM/posts/126391922062883?__xts__[0]=68.ARBR3hlPLffcgnWRWsF-IONHMncuvZoGyrLQARRxUFzAN6N3doYTix0uqgbxug__6BGzTS00Mb9E4bx8qeYn_sR0ZoEivPlclJEcPHNW4Uhv2_pEw_lH0BE9Obc2jpKu8lSw6Qh0ecIjwKkUgIK3qsTJauep8Ai3yeRjovpHibKERiGtjVJcR9OW4n6SfabV0WX7XshR8Rzg4ewGVulsZzvLJFtAtKelPvF64ovHmXGnb06vPKyiOf6nQulTw5yfGmgbP0Gmdm6nWOW2osB2yLIKgacMUrDzzC0TexUpvEA_wdqk-rzkOao0ZiuUbrlx696T9dPiC5UVFLVQDEYZtPY&__tn__=-R